Lögreglan á höfuðborgarsvæðinu hafði í ýmsu að snúast í gærkvöldi og í nótt, samkvæmt dagbók embættisins.

Aðili var handtekinn á Seltjarnarnesi, grunaður um sölu og dreifingu fíkniefna.

Í umferðinni komu upp nokkur brot. Ökumaður var sektaður fyrir að aka gegn rauðu ljósi í Reykjavík. Þá var annar ökumaður handtekinn í Laugardal, grunaður um akstur undir áhrifum vímuefna. Tveir til viðbótar voru handteknir vegna gruns um akstur undir áhrifum í Garðabæ

Einnig var ökumaður sektaður fyrir of hraðan akstur í Hafnarfirði. Lögreglu barst jafnframt beiðni um aðstoð vegna slyss í Hafnarfirði, en ekki liggja fyrir nánari upplýsingar um umfang þess.

Tilkynnt var um umferðarslys í Kópavogi, en þar varð ekki slys á fólki. Þá barst kvörtun vegna framkvæmdarhávaða í Kópavogi

Í Árbænum voru tveir ökumenn sektaðir; annar fyrir að nota ekki öryggisbelti og hinn fyrir að aka sviptur ökuréttindum.