Gæludýraeigendur eru hvattir til að sýna sérstaka varúð þegar kemur að ákveðnum matvælum sem geta reynst hundum stórhættuleg. Ýmis algeng matvæli og sælgæti sem fólk neytir daglega geta valdið alvarlegum veikindum eða jafnvel dauða hjá hundum.

Mannlíf hefur tekið saman nokkur þeirra matvæla

Xylitol

Sætuefnið xylitol, sem oft er að finna í tyggigúmmíi, sælgæti, tannkremi, bakkelsi og getur haft lífshættuleg áhrif á hunda. Efnið getur valdið snöggu blóðsykursfalli og lifrarbilun. Fyrstu einkenni eitrunar geta verið uppköst, slappleiki og jafnvægisleysi, en í alvarlegum tilfellum geta komið fram krampar og lífshættuleg lifrarskemmd á örfáum dögum.

Áfengi

Áfengi er einnig afar hættulegt fyrir hunda, þar sem það hefur svipuð áhrif á heila og lifur þeirra og hjá mönnum, þó í mun minna magni. Neysla á bjór, víni, sterku áfengi eða mat sem inniheldur áfengi getur valdið uppköstum, niðurgangi, öndunarerfiðleikum, meðvitundarleysi og í verstu tilfellum dauða. Minni hundar eru sérstaklega viðkvæmir fyrir slíkri eitrun.

Laukar

Laukur og hvítlaukur, hvort sem þeir eru hráir, soðnir, þurrkaðir eða í duftformi, geta eyðilagt rauð blóðkorn hunda og valdið blóðleysi. Einkenni geta meðal annars verið slappleiki, uppköst og öndunarerfiðleikar. Jafnvel lítið magn getur reynst skaðlegt.

Koffín

Koffín í mat getur valdið alvarlegum veikindum og jafnvel dauða hjá hundum. Koffín er jafnframt að finna í sumum lyfjum, svo sem verkja- og kveflyfjum. Ef grunur vaknar um að hundur hafi innbyrt koffín er mikilvægt að leita tafarlaust til dýralæknis.

Vínber

Vínber og rúsínur geta valdið bráðri nýrnabilun hjá hundum. Jafnvel lítið magn getur haft alvarleg áhrif. Endurtekin uppköst eru oft fyrstu merki eitrunar, en innan sólarhrings getur hundurinn orðið sljór og áhugalaus.

Súkkulaði

Súkkulaði er meðal þekktustu hættuefna fyrir hunda. Dökk súkkulaði og ósætt bökunarsúkkulaði eru hættulegust. Neysla súkkulaðis getur valdið uppköstum, niðurgangi, hjartatruflunum, skjálfta, krömpum og jafnvel dauða.