Deilurnar Páls Ágústar Aðalheiðarssonar og Hafþórs Rúnars Sigurðssonar um matarvagn sem þeir áttu saman halda áfram.

Mannlíf greindi frá því í byrjun maí að Páll hafi tilkynnt að matarvagn í hans eigu hafi verið stolið og birtist vagninn á svipuðum tíma til sölu á facebook-hópnum Brask og brall. Þá hafði Hafþór sett vagninn þar inn en þeir tveir áttu matarvagninn saman.

Mannlíf ræddi við þá báða og voru þeir sammála um málið væri leyst en um ágreining þeirra á milli hafi verið að ræða. Nokkrum dögum síðar setti Páll þó inn færslu á Facebook þar sem hann sagði að vagninn væri þýfi og sakaði Hafþór um fjárdrátt og þjófnað.

Málið virðist ennþá vera í hnút en matarvagn þeirra félaga er kominn á uppboð og er hæsta verð hingað til tæpar 900 þúsund krónur.

„Jæja þá hefur vagninn dúkkað upp,“ skrifar Páll á samfélagsmiðla um uppboðið „Langar að benda á að hann er ennþá þýfi og er veð í honum upp á 3.500.000kr af félaginu sem raunverulega á hann.“

Þá varar Páll fólk við að kaupa vagninn nema það vilji enda með sárt enni því að vagninn verði sóttur.