Helstu veðbankar heims hafa meiri trú á árangri VÆB bræðra í Eurovision í dag en á undanförnum vikum en þeir eru nú komnir upp í 33. sæti af 37. Stutt er síðan þeim var spáð 36. sæti en von á sæti í úrslitum er ennþá lítil.

Bræðurnir þykja nú sigurstranglegri en atriði Georgíu, Svartfjallalands, Króatíu og Lettlands.

Íslenski Eurovision hópurinn er mættur til Basel í Sviss, þar sem keppnin fer fram, en VÆB bræður verða fyrstir á svið í fyrri undanriðlinum, sem fer fram 13. maí. Rétt er þó að taka fram að öllum löndunum sem spáð verra gengi eru í hinum undanriðlinum.

Svíum er spáð nokkuð öruggum sigri hjá veðbönkum en sigurlíkur Svía eru sagðar vera 38% og Austurríki fær 16% sigurlíkur skráðar hjá sér.

Þá er Frökkum spáð þriðja sætinu, Hollandi fjórða og Ísrael því fimmta en telja einhverjir að vísa eigi lagi þeirra úr keppni vegna þjóðernishreinsana sem ríkisstjórn þeirra stundar á Palestínubúum. Þorgerður Katrín Gunnarsdóttir utanríkisráðherra hefur látið hafa eftir sér að það sé óvenjulegt að Ísrael taki þátt í Eurovision.