Fáir hundar í Reykjavík löglega skráðir

Um 13% hunda í Reykja­vík eru lög­lega skráðir en þetta fram kemur í svari Dýra­þjón­ustu Reykja­víkur.

Í svari við fyr­ir­spurn Mannlífs kemur fram að 2614 hundar eru skráðir í sam­ræmi við skrán­ing­ar­skyldu hjá borg­inni. „DÝR telur að það séu um 15-20.000 hundar í Reykja­vík og því miklu færri á skrá en ætti að vera og ljóst að veru­legur fjöldi hunda­eig­enda er ekki að fylgja þeim skyldum sem á þeim hvíla sam­kvæmt lögum og sam­þykktum sem um hunda­hald gilda,“ segir Helena Gylfa­dóttir, deild­ar­stjóri hjá DÝR, um málið.

„Árlegt hunda­gjald fer í ýmis­legt er snýr að hundum og hunda­haldi í borg­inni,“ segir einnig í svar­inu en árlegt gjald fyrir hund er 17.800 krónur en skrán­ing hunda hjá sveit­ar­fé­lagi er lög­bundin og í henni er inni­falin ábyrgð­ar­trygg­ing gegn þriðja aðila sem trygg­inga­fé­lög bjóða ein­stak­lingum ekki uppá.  

„Þá sinnir DÝR eft­ir­liti og utan­um­haldi við hunda­gerði í Reykja­vík, s.s. með áfyll­ingu á pokum við tunnur auk þess að leggja til leik­tækin sem finn­ast víða í hunda­gerðum,“ heldur Helena áfram.

„DÝR sinnir eft­ir­liti sem teng­ist ónæði eða lausa­göngu og skrán­ingu eftir ábend­ingar fólks. DÝR heldur úti aðstöðu fyrir þá hunda sem finn­ast og koma inn í vörslu DÝR þar til eig­andi hefur tök á að sækja þá. Þá sinnir tarfs­fólki DÝR öllum öðrum hunda­málum sem koma upp í borg­inni, hvort sem það eru þessar fyrr­nefndu ábend­ingar eða bit­mál eða bara að ráð­leggja borg­ar­búum þegar kemur að hunda­haldi.“

Helena segir að hluti gjalds fari einnig í kaup á ýmsum bún­aði til þess að geta brugð­ist við hunda­málum eins vinnu­bíla, búr, tauma og annað slíkt.  

„Mörg hunda­mál geta verið mjög erfið, flókin og tíma­frek og í sumum til­fellum þarf að leita aðstoðar til utan­að­kom­andi aðila og þá kann að falla til kostn­aður. DÝR veitir ýmiss konar ráð­gjöf og þjón­ustu og er hægt að hafa sam­band í síma, tölvu­pósti eða í gegnum sam­fé­lags­miðla þótt frekar sé mælst til þess að fólk hringi eða sendi póst ef erindið er brýnt.“

Þá fái allir skráðir hundar merki á hálsól sína frá borg­inni og er hægt að biðja um eitt slíkt á ári segir Helena. Þá er jafn­vel hægt að semja um að fá þau merki oftar ef hundar eru gjarnir á að týna þeim. Skráðir og stilltir hundar einnig vel­komnir í Hús­dýra­garð­inn á mið­viku­dögum en það er sam­starfs­verk­efni við Dýra­þjón­ust­una.