Hrekkjavakan tekur yfir göturnar og lögreglan varar ökumenn við

Ökumenn á höf­uð­borg­ar­svæð­inu eru hvattir til að hafa augun hjá sér í dag þegar hrekkja­vakan gengur í garð. Búast má við fjölda barna á ferð­inni í íbúða­hverfum þegar rökkva tekur og hálka gæti gert öku­mönnum enn erf­ið­ara fyrir.

Lög­reglan á höf­uð­borg­ar­svæð­inu og Sam­göngu­stofa minna öku­menn sér­stak­lega á þetta í færslu á Facebook.

„Bíl­stjórar verum vak­andi!“ skrifa þau.

Hrekkja­vakan hefur heldur betur fest sig í sessi hér á landi und­an­farin ár og sífellt fleiri börn klæða sig upp og ganga á milli húsa með vinum eða fjöl­skyldu í leit að sæl­gæti með hinu sígilda „grikk eða gott“.

Það getur þó skapað ákveðna hættu í umferð­inni. Mörg barn­anna verða í dökkum bún­ingum sem sjást illa í myrkr­inu og því er sér­stak­lega mik­il­vægt að öku­menn hægi á sér og séu við­búnir því að börn geti skyndi­lega komið út á götu.

Ofan á það er víða hálka á höf­uð­borg­ar­svæð­inu og því full ástæða til að stíga var­lega á bens­ín­gjöf­ina.

„Akið var­lega og sýnið til­lit­semi,“ eru skila­boð lög­regl­unnar til öku­manna.