Foreldrar og sérfræðingar keppast við að leiðrétta Pawel

Pawel Bartoszek, þing­maður Við­reisnar, skellti heldur betur í umdeilda færslu á Facebook fyrr í dag.

„Fréttir úr síma­lausri ung­linga­deild: Krakk­arnir nota nú hverja lausa stund til að fara af skóla­lóð, heim, eða í ein­hverja aðra bygg­ingu nálægt bara til að kom­ast á netið. Gang­arnir og félags­mið­stöðvar standa tómar. Glæsileg nið­ur­staða og að öllu leyti ófyr­ir­sjá­an­leg,“ skrif­aði þing­mað­ur­inn en mikil ánægja hefur mælst meðal kenn­ara, nem­enda og for­eldra með tak­mörkun á símum í skólum. Þá hefur rík­is­stjórnin verið að íhuga að banna síma í skólum en eins og staðan er í dag taka ráða skól­arnir slíku sjálfir.

Þingmaður, fréttamaður og borgarfulltrúi ósammála

Það er ekki að sjá margir séu sam­mála þing­mann­inum, ekki sinu sinni sem rita athuga­semdir við færsl­una hans á Facebook.

„Veit ekki hvaða skóla þú átt við. Efast um að þetta sé raunin þvert á skóla sem eru með síma­frí. Það þarf auð­vitað að tryggja að annað afþrey­ing­ar­efni sé til staðar t.a.m. spil, borð­tenn­is­borð o.s.frv. sem getur komið í stað­inn fyrir snjall­sím­ann. Það verður þó kannski að telj­ast jákvæð­ara að ung­lingar fari í göngutúr til að vera í sím­anum í stað þess að fara beint úr tíma í sím­ann en það er líka til marks um hversu ávana­bind­andi þessi tæki (öppin í þeim) eru - sem er stórt við­fangs­efni þegar kemur að and­legri heilsu og félags­færni barna,“ skrifar Magnea Gná Jóhanns­dóttir borg­ar­full­trúi en áður en hún varð borg­ar­full­trúi starf­aði hún í félags­mið­stöð.

„Í þeirri ung­linga­deild sem ég þekki til iða gang­arnir af lífi í frí­mín­útum og hafa gert frá því að tekið var fyrir síma­notkun í fyrra,“ skrifar frétta­mað­ur­inn Berg­steinn Sig­urðs­son um málið og tekur Ása Berglind Hjálm­ars­dóttir, þing­maður Sam­fylk­ing­ar­innar, undir með frétta­mann­inum.

Pétur Maack, for­maður Sál­fræð­inga­fé­lags­ins, segir einnig þetta ekki hans upp­lifun úr skóla hans barna.

„Ég tók upp síma­bann hjá þeim ung­lingum sem eru í íþrótta­starfi hjá mér. Nið­ur­staðan er sú að sam­skipti ung­ling­anna hafa batnað, þeir hreykja sér af (og met­ast um hver hefur náð betri árangri) litlum skjá­tíma og segj­ast líða mun betur fyrir vikið,“ skrif­aði Þórarinn Hjart­ar­son hlað­varps­þátta­stjórn­andi.

Forstöðumaður mjög ósáttur

Það er þó Hlynur Ein­ars­son, for­stöðu­maður Hundrað&ell­efu, sem er ósátt­astur af öllum í athuga­semda­kerf­inu en hann hefur starfað í félags­mið­stöðvum árum saman.

„Sem for­stöðu­maður í félags­mið­stöð hjá Reykja­vík­ur­borg þá langar mig að biðja þig um að gera betur en þetta Pawel. Hvaðan hefur þú þessa frétt? Hvaða félags­mið­stöðvar standa tómar, alla­vega ekki sú sem ég stýri. Ég er ekki að tala með eða á móti þess­ari stefnu um síma­lausa skóla, en mér finnst þetta ótrú­lega óábyrgt og vit­laus fram­setn­ing hjá þér. Það væri líka mjög und­ar­legt ef félags­mið­stöðv­arnar væru tómar þar sem þar er ekki síma­bann, ekki svo ég viti til,“ skrif­aði Hlynur um málið.