Leikarinn Tómas Ingi Þórðarson hefur tekið ákvörðun um að selja íbúð sína að Skólabraut 1 í Hafnarfirði. Hann býr þar með Ásdísi Rögnu Valdimarsdóttur, markaðssérfræðingi hjá IKEA, og börnum þeirra.
Íbúðin er á rishæð með sameiginlegum inngangi með miðhæð og er útgengt á sér svalir frá stigagangi. Skipulag er afar gott og nýtir rýmið vel. Hér sameinast sjarminn, birtan og miðbæjarlífið á einstakan hátt – stutt er í alla helstu þjónustu og í göngufæri við skóla og leikskóla.
Komið er inn í forstofu með fatahengi, þaðan er gengið í hol með geymsluskáp/búri. Íbúðin býður upp á tvö björt svefnherbergi, bæði með gluggum á tvo vegu, þar af rúmgott aðalsvefnherbergi.
Ný eldhúsinnrétting og tæki frá árinu 2025, eldhúsið er opið inn í borðstofu sem tengist björtu stofurými með fallegu útsýni yfir lækinn – fullkomið rými fyrir notalegt heimilislíf.
Þetta er einstaklega heillandi eign á frábærum stað sem hentar vel jafnt pörum sem fjölskyldum sem vilja njóta miðbæjarlífs Hafnarfjarðar í fallegu og vel skipulögðu umhverfi.
Tómas og Ásdís vilja fá 71.900.000 fyrir íbúðina.
Athugasemdir