Borgarbókasafnið hrósar Nönnu sérstaklega

Í færslu hjá Borg­ar­bóka­safn­inu í gær hrósar safnið Nönnu Rögn­vald­ar­dóttur sér­stak­lega en hún hefur verið mikið í umræð­unni eftir að Stefán Einar Stef­áns­son, blaða­maður Morg­un­blaðs­ins, hædd­ist að útliti hennar.

„Mér fannst Nanna Rögn­valdar ekki smekk­leg kona en svo virð­ist hún hafa farið á Ozempic og hún er bara orðin eins og fær­eyskt skerpi­kjöt. Hver vill borða mat frá svona konu? Mynduð þið kaupa mat­reiðslu­bækur frá henni? Ég bara missi mat­ar­lyst­ina við til­hugs­un­ina,“ sagði Stefán Einar um Nönnu.

„Nanna Rögn­vald­ar­dóttir, rit­höf­undur og þýð­andi, hefur síð­ustu ára­tugi sent frá sér ara­grúa bóka sem eru bæði vand­aðar og hafa notið óhemju vin­sælda. Um þekk­ingu Nönnu á mat þarf ekki að orð­lengja. Nóg er að horfa til þeirra frá­bæru bóka um mat­ar­gerð og mat­ar­sögu sem hún hefur sent frá sér í gegnum tíð­ina. Síðustu ár hefur Nanna svo skrifað afbragðs skáld­sögur fyrir börn og full­orðna sem sanna svo ekki verður um villst hvað hún er fjöl­hæfur höf­undur. Í fyrra hlaut Nanna Barna­bóka­verð­laun Guðrúnar Helga­dóttur fyrir fyrstu barna­bók sína, Flóttinn á norð­ur­hjar­ann, sem hlaut lof­sam­lega dóma. Á Borg­ar­bóka­safn­inu er að finna finna fjölda verka eftir Nönnu. Kíkið endi­lega í heim­sókn og kynnið ykkur úrvalið!” segir í færslu safns­ins um Nönnu.

Ekkert er minnst á Stefán Einar í færsl­unni en ólík­legt er að til­viljun ráði því að færsla safns­ins hafi birst í gær.