Meintur fíkniefnasali ákærður fyrir peningaþvætti

Albanskur karl­maður á fer­tugs­aldri hefur verið ákærður fyrir nokkur brot, þar á meðal pen­inga­þvætti.

Hann er ákærður fyrir fíkni­efna­laga­brot, pen­inga­þvætti og lög­reglu­laga­brot með því að hafa, mánu­dag­inn 14. júlí 2025, utandyra við Jafnasel í Reykja­vík, óhlýðn­ast fyr­ir­mælum lög­reglu um að stöðva og hlaupið á brott undan lög­reglu uns lög­regla hljóp hann uppi og stöðv­aði för hans stuttu síðar og haft í vörslum sínum ætl­uðu til sölu­dreif­ingar í ágóða­skyni sam­tals 1,91 g af marí­húana og 4,36 g af amfetamíni auk þess að hafa, um nokk­urt skeið og allt til þess dags, tekið við, aflað sér og geymt ávinn­ing af sölu­dreif­ingu ótil­tek­ins magns ólög­legra ávana- og fíkni­efna, sam­tals að fjár­hæð kr. 26.000, sem lög­regla fann við örygg­is­leit á ákærða og lagði hald á.

Þá er hann einnig ákærður fyrir fíkni­efna­laga­brot og pen­inga­þvætti með því að hafa í íbúð að Klyfja­seli 2 í Reykja­vík, í félagi við þekktan aðila, haft í vörslum sínum ætl­uðu til sölu­dreif­ingar í ágóða­skyni sam­tals 257,70 g af marí­húana og 6,39 g af amfetamíni auk þess að hafa, um nokk­urt skeið og allt til þess dags, tekið við, aflað sér og geymt ávinn­ing af sölu­dreif­ingu ótil­tek­ins magns ólög­legra ávana- og fíkni­efna, sam­tals að fjár­hæð kr. 40.000, sem ákærði benti lög­reglu á við leit og lagði hald á.

Maðurinn er sömu­leiðis ákærður fyrir fíkni­efna­laga­brot og pen­inga­þvætti með því að hafa, sunnu­dag­inn 27. júlí 2025, utandyra við Hamra­borg í Kópavogi, haft í vörslum sínum ætl­uðu til sölu­dreif­ingar í ágóða­skyni sam­tals 30,38 g af marí­húana og 6,32 g af amfetamíni auk þess að hafa, um nokk­urt skeið og allt til þess dags, tekið við, aflað sér og geymt ávinn­ing af sölu­dreif­ingu ótil­tek­ins magns ólög­legra ávana- og fíkni­efna, sam­tals að fjár­hæð kr. 90.000, sem lög­regla fann við örygg­is­leit á ákærða og lagði hald á.

Þá að lokum er mað­ur­inn ákærður fyrir útlend­inga­laga­brot með því að hafa, dvalið í heim­ild­ar­leysi hér á landi án vega­bréfs­á­rit­unar og dval­ar­leyfis frá 26. októ­ber 2024, en ákærði fór huldu höfði hér á landi í kjöl­far til­kynn­ingar Útlend­inga­stofn­unar dags. 21. júlí 2025, þar sem ákærða var til­kynnt um hugs­an­lega brott­vísun og end­ur­komu­bann.

Þess er kraf­ist að mað­ur­inn verði dæmdur til refs­ingar og til greiðslu alls sak­ar­kostn­aðar.

Mál hans verður tekið fyrir í Hér­aðs­dómi Reykja­víkur 24. mars.