Hinn vannýtti rababari

Fróðlegt erindi um rabar­bara fer fram á Borg­ar­bóka­safn­inu í Árbæ næst­kom­andi mánu­dag, 16. mars klukkan 16:30. Þar mun umhverfis-þjóð­fræð­ing­ur­inn Björk Bjarna­dóttir fjalla um ræktun, sögu og nýt­ingu þess­arar vin­sælu garð­plöntu.

Erindið ber yfir­skrift­ina „Rabar­bara rabb“ og er hluti af við­burða­röð­inni Fróð­leiks­kaffi, sem haldin er reglu­lega á bóka­safn­inu. Í erind­inu verður meðal ann­ars fjallað um hvernig best sé að rækta rabar­bara, hvernig setja megi upp rabar­bara­garð og hvaða atriði skipta mestu máli þegar kemur að umhirðu og upp­skeru.

Í erind­inu veltir hún því einnig upp hvort mögu­legt sé að nýta plönt­una betur en gert er í dag.

Gestir fá jafn­framt að kynn­ast sögu rabar­bar­ans, sem á upp­runa sinn í Kína og hefur ferð­ast langa leið áður en hann festi rætur í íslenskum görðum sem fjöl­ært nytja­græn­meti. Þá verður einnig farið yfir hvernig gera má rabar­bara­sultu og ýmis önnur atriði tengd þess­ari forn­frægu og áhuga­verðu plöntu.

Erindið er öllum opið og aðgangur er ókeypis.