Norðan við Stokkhólm er verið að undirbúa Rosersberg-fangelsið fyrir að taka á móti börnum sem eru aðeins 13 ára gömul.
Yfirvöld í Svíþjóð tilkynntu í janúar að lækka ætti aldur þeirra sem geta farið í fangelsi úr 15 árum niður í 13 ár fyrir alvarleg brot sem varða allt að fjögurra ára fangelsi eða meira.
Markmið stjórnvalda er að bregðast við aukinni þátttöku barna í skipulagðri glæpastarfsemi, þar sem ungmenni hafa verið ráðin til að fremja sprengjuárásir og skotárásir í þeirri vissu að þau myndu ekki sæta fangelsisvist ef þau næðust.
Hingað til hafa ungmenni sem fremja alvarleg brot verið vistuð á sérhæfðum meðferðarheimilum. Þau hafa þó sætt gagnrýni, meðal annars vegna þess að þau hafi í sumum tilfellum orðið vettvangur fyrir frekari ráðningar í glæpagengi.
Frumvarpið hefur ekki enn verið samþykkt á þingi, en Rosersberg-fangelsið er eitt af átta fangelsum sem undirbúa móttöku ungra fanga frá og með 1. júlí.
Að sögn fangelsisstjóranum í Roserberg felast undirbúningarnir meðal annars í því að flytja fullorðna fanga á aðrar stofnanir, byggja kennslurými og endurbæta klefa. Ein deild, sem áður hýsti 51 fullorðinn fanga, mun hýsa allt að 24 ungmenni.
Gert er ráð fyrir að hvert barn verði vistað í um 10 fermetra klefa, sem áður hýstu tvo fullorðna fanga. Klefarnir verða búnir sjónvörpum og veggir málaðir í mildari litum. Þá verða sex ungmenni á hverjum gangi, með sameiginlegum baðaðstöðu og sérútivistarsvæði. Kennslustofa verður einnig á hverjum gangi.
Ytri aðstaða fangelsisins er jafnframt í endurbótum með það að markmiði að gera umhverfið hlýrra og barnvænna, meðal annars með gróðri, setsvæðum og bættri aðstöðu til hreyfingar.
Athugasemdir