Einfbýlishús við Heiðargerði 33 í Reykjavík hefur verið auglýst til sölu á 127,5 milljónir króna. Um er að ræða tveggja hæða hús með viðbyggðum bílskúr, byggt árið 1955, með heildarstærð upp á 165 fermetra.
Húsið skiptist í tvær hæðir með fjölbreyttu og hentugu skipulagi fyrir fjölskyldur. Á neðri hæð er forstofa, þvottahús með salerni, geymsla, gangur, eldhús með borðkrók og rúmgóðar stofur. Eldhúsinnrétting var endurnýjuð árið 2009 og parket er á gólfum hæðarinnar. Stigi úr gangi liggur upp á efri hæð.
Á efri hæð eru þrjú svefnherbergi, þar af rúmgott hjónaherbergi með útgengi á flísalagðar þaksvalir, auk lítils vinnuherbergis og baðherbergis með baðkari. Þá er einnig risloft í húsinu.
Bílskúrinn er staðsettur norðan við húsið og er með geymslu inn af. Innkeyrsluhurð hefur verið endurnýjuð og tvær hliðarhurðir eru á bílskúrnum.
Lóðin er gróin og býður upp á góð bílastæði. Á henni stendur einnig nýlegur áhaldaskúr.
Húsið er staðsett í Smáíbúðahverfinu, sem þykir vinsælt íbúðarhverfi í Reykjavík, með stuttu aðgengi að þjónustu, skólum og öðrum nauðsynjum daglegs lífs.
Athugasemdir