Jórdanía lokar fyrir klámsíður

Yfirvöld í Jórdaníu til­kynntu í dag að lokað hefði verið fyrir aðgang að öllum klám­síðum í land­inu.

Samkvæmt Laru al-Khatib, hátt­settum emb­ætt­is­manni hjá fjar­skipta­yf­ir­völdum, hefur öllum fjar­skipta­fyr­ir­tækjum í land­inu verið gert að hefja taf­ar­laust fram­kvæmd lok­un­ar­innar.

Í sam­tali við AFP-frétta­stof­una sagði al-Khatib að aðgerðin næði til allra vef­síðna sem teld­ust „skað­legar, klám­fengnar eða brytu gegn lögum“. Hún bætti við að mark­miðið væri að „bregð­ast við hættu á svikum, blekk­ingum og mis­notkun“.

Dima Tahboub, þing­maður úr Islah-blokk­inni, sem er íslamísk stjórn­mála­hreyf­ing á jórdanska þing­inu, fagn­aði ákvörð­un­inni í færslu á Facebook. Þar sagði hún málið hafa verið eitt af sínum helstu áherslum frá því í októ­ber 2025, þegar hún hvatti stjórn­völd til að loka slíkum vef­síðum og „vernda sam­fé­lagið“.

Yfirvöld í Jórdaníu hafa á und­an­förnum árum hert reglur um staf­rænt efni og net­ör­yggi, og er ákvörð­unin talin hluti af víð­tæk­ari stefnu stjórn­valda um aukið eft­ir­lit með efni á inter­net­inu.