Gabríel Douane dæmdur líkamsárásir og rán

Karl­maður dæmdur í fang­elsi fyrir rán, hót­anir og ítrek­aðar lík­ams­árásir

Hér­aðs­dómur Reykja­víkur hefur dæmt Gabríel Douane Boama í fang­elsi fyrir fjölda alvar­legra brota, þar á meðal rán, hót­anir, lík­ams­árásir og fíkni­efna­laga­brot. Málið var umfangs­mikið og byggði á þremur aðskildum ákærum sem sam­ein­aðar voru í einu dóms­máli.

Samkvæmt dóm­inum var Gabríel meðal ann­ars sak­felldur fyrir lík­ams­árás í verslun Hagkaups við Skeifuna í júlí árið 2023 þar sem maður hlaut augn­tóft­ar­brot eftir að hafa verið sleg­inn með krepptum hnefa í and­litið.

Eitt brot tengd­ist atviki sem átti sér stað í bif­reið í Reykja­vík í febr­úar 2024. Þar taldi dóm­ur­inn sannað að Gabríel hefði hótað konu með hnífi með þeim hætti að hún ótt­að­ist um líf sitt og heilsu. Vitni lýstu því að hann hefði beint hníf að hálsi hennar eftir að hún bað hann um að fara út úr bif­reið­inni. Dómurinn taldi fram­burð brota­þola trú­verð­ugan þrátt fyrir ákveðið ósam­ræmi í frá­sögnum vitna.

Í sama atviki var Gabríel jafn­framt sak­felldur fyrir rán. Samkvæmt nið­ur­stöðu dóms­ins neyddi hann öku­mann bif­reið­ar­innar til að afhenda sér iPhone 14 far­síma með því að hóta honum með hnífi. Síminn fannst síðar í fórum hans þegar lög­regla hand­tók hann á Akranesi tveimur dögum síðar. Dómurinn hafn­aði skýr­ingu Gabríels um að hann hefði óvart farið með sím­ann og taldi fram­burð hans „ótrú­verð­ugan og í raun fjar­stæðu­kenndur“.

Hann var einnig fundur sekur í ákæru sem laut að ofbeldi gegn fanga­vörðum á Litla-Hrauni sum­arið 2024. Þar réðst hann á þrjá fanga­verði og veitti þeim áverka með hnefa­höggum. Einn þeirra hlaut skurð á höfði og annar heila­hrist­ing.

Einnig var hann sak­felldur fyrir lík­ams­árás gegn sam­fanga á Litla-Hrauni í mars 2025. Brota­þoli hlaut meðal ann­ars tann­brot, augn­tóft­ar­brot og skurð við auga­brún eftir árás­ina. Örygg­is­mynda­vélar úr fang­els­inu sýndu Gabríel fara inn í klefa brota­þol­ans rétt áður en hann kom út blóð­ugur í and­liti.

Dómurinn taldi sannað að Gabríel hefði gerst sekur um öll brotin sem honum voru gefin að sök, að hluta til með játn­ingum hans sjálfs og að hluta til með vitn­is­burðum, mynd­bands­upp­tökum og öðrum rann­sókn­ar­gögnum. Refsing hans var ákveðin með hlið­sjón af fjölda brota og alvar­leika þeirra.

Var hann dæmdur í 12 mán­aða fang­elsi og þarf að greiða fórn­ar­lömbum sínum 1.800.000 króna í miska­bætur.