Við Fagrahvamm 12 í Hafnarfirði er nú til sölu einstakt arkitektateiknað einbýlishús með aukaíbúð, bílskúr og glæsilegu útsýni yfir hafið, höfnina og Snæfellsjökul. Um er að ræða níu herbergja hús ásamt þriggja herbergja aukaíbúð sem stendur innarlega í rólegum botnlanga í Hvömmunum.
Húsið er teiknað af arkitektunum Mannfreð Vilhjálmssyni og Þorvaldi S. Þorvaldssyni og var byggt árið 1981. Samkvæmt lýsingu sameinar eignin sterkan arkitektúr, hlýleg fjölskyldurými og afar eftirsótta staðsetningu þar sem útsýnið setur sterkan svip á eignina allt árið um kring.
Húsið er byggt úr sjónsteypu og hefur að geyma rúmgóð og björt alrými þar sem áhersla er lögð á tengingu við umhverfið. Þá er eignin sögð einkennast af miklum karakter og vönduðum byggingarstíl sem hefur staðist tímans tönn.
Aukaíbúðin er þriggja herbergja og býður því upp á fjölbreytta nýtingarmöguleika, hvort sem er fyrir stórfjölskyldu, útleigu eða aðra starfsemi. Einnig fylgir eigninni bílskúr og stór lóð á rólegum stað í hverfinu.
Fasteignin er auglýst á 197,9 milljónir króna og telst til stærri og glæsilegri eigna á svæðinu. Staðsetningin í Hvömmunum hefur lengi verið vinsæl meðal fjölskyldna, meðal annars vegna nálægðar við skóla, þjónustu og útivistarsvæði.
Útsýnið frá húsinu er sagt vera eitt af helstu aðdráttaröflum eignarinnar þar sem sjá má yfir hafnarsvæðið og allt út að Snæfellsjökli á björtum dögum.
Athugasemdir