Spenna í loftinu í Mosfellsbæ

Bæj­ar­há­tíð Mos­fells­bæjar, Í tún­inu heima, hefst í dag og stendur yfir dag­ana 27. til 30. ágúst. Hátíðin hefur fest sig í sessi sem einn af stærstu og vin­sæl­ustu við­burðum árs­ins í bæj­ar­fé­lag­inu.

Dagskrá hátíð­ar­innar er að venju fjöl­breytt og þétt­skipuð en íbúar Mos­fells­bæjar leika þar stórt hlut­verk. Margir þeirra opna garða sína fyrir gestum, efna til götu­grilla og standa fyrir ýmiss konar við­burðum víðs vegar um bæinn.

Fjöl­margir stærri við­burðir hafa einnig fest sig í sessi á hátíð­inni und­an­farin ár. Þar má meðal ann­ars nefna stór­tón­leika, brekku­söng og hið svo­kall­aða ull­arpartý í Ála­foss­kvos.

Dag­skráin hefst af krafti í dag. Klukkan 13 verður við­burður við Skála­hlíð 9 á vegum Hamra­hlíðar Vinnu og Virkni og klukkan 16.30 verður sápu­bolti við Hlégarð.

Hátíðin verður form­lega sett í Hlégarði klukkan 17, en á sama tíma hefst sund­laug­ar­kvöld í Lága­fells­laug sem stendur til klukkan 22.

Fella­hring­ur­inn hefst klukkan 18 og fræðslu­ganga klukkan 19. Bíla­klúbb­ur­inn Krúser verður með við­burð klukkan 20 og á sama tíma verður uppi­standið Feita hjartað í Hlégarði.

Hátíð­ar­höldin halda síðan áfram alla helg­ina með fjöl­breyttri dag­skrá fyrir íbúa og gesti Mos­fells­bæjar.