Ellefu særðir eftir skotárás í skóla

Ung­lingur hóf skot­hríð fyrir utan fram­halds­skóla í vest­ur­hluta Tyrk­lands í morgun með þeim afleið­ingum að ell­efu nem­endur særð­ust. Tveir þeirra eru sagðir alvar­lega særðir.

Árásin átti sér stað um klukkan átta að stað­ar­tíma í Turgutlu í Manisa-hér­aði, skammt frá borg­inni Izmir. Lögregla og við­bragðs­að­ilar héldu þegar á vett­vang og safn­að­ist fjöldi áhyggju­fullra for­eldra við skól­ann.

Akin Gurlek, dóms­mála­ráð­herra Tyrk­lands, greindi frá því að hinn grun­aði væri undir lög­aldri og hefði verið hand­tek­inn skömmu eftir árás­ina. For­eldrar hans og afi voru einnig hand­tekin í tengslum við rann­sókn máls­ins.

Vitni lýstu því að árás­armað­ur­inn hefði virst reiður eftir skot­hríð­ina. Einn íbúi sagð­ist hafa heyrt skot­hvelli og farið út á svalir. Þar hefði hann séð ung­ling­inn ganga í átt að hlið­ar­götu, öskr­andi og blót­andi.

Annað vitni sagði árás­armann­inn hafa skotið að fólki með riffli og að nær­staddir hefðu ekki þorað að reyna að stöðva hann vegna vopns­ins.

Skotárásir af þessu tagi eru sjald­gæfar í Tyrk­landi. Tvær aðskildar árásir ung­linga í apríl síð­ast­liðnum vöktu þó mikla athygli og umræðu um öryggi í og við skóla lands­ins.