Selja afskekkt einbýli með sundlaug og reiðhöll

Jörðin Laugaból í Mosdal við Arn­ar­fjörð í Ísa­fjarð­arbæ hefur verið sett á sölu. Ásett verð er 275 millj­ónir króna en um er að ræða umfangs­mikla jörð með miklum húsa­kosti, jarð­hita og ýmsum hlunn­indum.

Laugaból er skráð 421,7 hekt­arar að stærð en Hok­ins­dalur, sem fylgir eign­inni, er 1.373,3 hekt­arar. Jörðin liggur að sjó og er skammt frá Dynjanda. Meðal hlunn­inda eru berja­land, fjalla­grös og gæsa­veiði auk þess sem stutt er í rjúpna­veiði. Þá er mikið af sel við strönd­ina.

Jörðin var byggð upp að stórum hluta eftir alda­mótin og eru nær allar bygg­ingar frá þeim tíma. Íbúð­ar­húsið er um 270 fer­metrar og stendur á þremur hæðum. Þar eru meðal ann­ars sjö svefn­her­bergi, nokkrar stofur og sér­stök íbúð á jarð­hæð.

Hest­húsið er rúm­lega 714 fer­metrar og þar er aðstaða fyrir um 40 hross. Auk þess eru á jörð­inni hlaða, véla­skemma, 316 fer­metra reið­höll og lítið fjár­hús. Á sínum tíma voru allt að 150 hestar í ræktun á Lauga­bóli og þar var byggður stór skeið­völlur.

Ein helsta sér­staða Lauga­bóls er jarð­hit­inn. Heitt vatn, um 50 gráður, kemur úr bor­holu og er meðal ann­ars nýtt til hús­hit­unar. Við íbúð­ar­húsið er 7,5 sinnum 20 metra steypt sund­laug sem hituð er með jarð­hit­anum.

Þá hefur gam­alli bygg­ingu við sjó verið breytt í sauna­klefa með stórum gluggum og útsýni yfir hafið. Und­an­farin ár hefur jörðin meðal ann­ars verið nýtt undir ferða­þjón­ustu.