Auður Daníelsdóttir, forstjóri Dranga og Orkunnar, hefur verið ráðinn sem forstjóri Samkaupa en greint er frá þessu í fréttatilkynningu.

Auður tók í sumar við starfi forstjóra Dranga, nýstofnaðs móðurfélag Samkaupa, Orkunnar og Lyfjavals og hefur fverið forstjóri Orkunnar síðan í sumar og mun halda því áfram.

„Samruni Samkaupa og félaga á neytendamarkaði í eigu Dranga hefur gengið vel. Samkaup á öflugan og tryggan viðskiptavinahóp og markmið okkar er að styrkja stöðu fyrirtækisins enn frekar og efla þjónustu við viðskiptavini,“ segir Auður í fréttatilkynningu.

„Neytendamarkaðurinn er í stöðugri þróun, bæði hvað varðar stafrænar lausnir og aðra þjónustu til viðskiptavina. Við í Samkaupum hlökkum til að takast á við þær áskoranir, en stefna okkar er að veita einfalda og góða þjónustu þar sem upplifun viðskiptavina er í fyrirrúmi.“