Barnaspítala Hringsins opnaði í byrjun mánaðar bókahorn sem fjölskylda stúlku sem lést á síðasta ári útbjó.

Landspítalinn birti Facebook-færslu þar sem tilkynnt er um glænýtt bókahorn á Barnaspítala Hringsins. Fjölskylda Guðrúnar Birnu Blöndal, sem lést á síðasta ári, útbjó bókahornið í minningu Guðrúnar Birnu, sem hefði orðið 16 ára þann 1. júní.

„Þar er að finna húsgögn, bækur og skrautmuni í anda Guðrúnar Birnu og er horninu ætlað að vera notalegt rými fyrir börn sem liggja inni á spítalanum,“ segir í færslu Landspítalans en að lokum segir:

„Landspítali þakkar fjölskyldu Guðrúnar Birnu hjartanlega fyrir þessa rausnarlegu gjöf.“