Hér á landi var skráð atvinnuleysi í maí 3,7 prósent og lækkaði úr 3,9 prósentum frá fyrri mánuði, en þetta kemur fram í nýrri mánaðarskýrslu Vinnumálastofnunar.

Þar kemur fram að fleiri karlar eru atvinnulausir heldur en konur.

Alls voru 4.449 karlar á atvinnuleysisskrá í maí og 3.203 konur, og atvinnulausum fækkaði í öllum landshlutum á milli aprílmánaðar og maímánaðar.

Hlutfallslega minnkaði atvinnuleysi mest á Vestfjörðum, en þar sem fór það úr 3,4 prósentum í 2,2 prósent.

Á Íslandi er atvinnuleysið mest á Suðurnesjum, 6,1 prósent, en minnst á Norðurlandi vestra, 1,2 prósent.

Spáir Vinnumálastofnun því að atvinnuleysi haldi áfram að dragast saman og verði 3,4 prósent í júní.