Gæsluvarðaldi yfir Margréti Höllu Hansdóttur Löf, sem grunuð er um að hafa verið valdur að dauða föður síns, Hans Löf, hefur verið framlengt.

Áður hafði Margrét verið úrskurðuð í gæsluvarðhald til dagsins í dag en hún var handtekin í kjölfar andláts föður hennar þann 11. apríl síðast liðinn. Þó hún hafi nú játað að hafa beitt foreldra sína ofbeldi, neitar hún því að hafa myrt föður sinn en hún segist ekki hafa verið nærri honum þegar hann hneig niður á heimili þeirra í Súlunesi í Garðabæ. Dánarorsök hafa ekki verið kunngjörð en rannsókn stendur yfir.

Í tilkynningu frá lögreglunni á höfuðborgarsvæðinu sem sent var á fjölmiðla rétt í þessu, kemur fram að gæsluvarðahaldi yfir Margréti hafi nú verið framlengt um fjórar vikur, eða til 3. júní, nú á grundvelli almannahagsmuna.