Haraldur Davíðsson hefur verið dæmdur í 60 daga skilorðsbundið fangelsi af Héraðsdómi Reykjavíkur fyrir fíkniefnalagabrot.

Samkvæmt dómnum var Haraldur dæmdur fyrir að hafa í vörslum sínum 12 kannabisplöntur og tæp 200 grömm af marihúana 29. október 2024. Þá hafi hann um nokkurt skeið ræktað plönturnar. Við leit í húsnæðinu þar sem Haraldur ræktaði plönturnar fundust tæki til ræktunar eins og loftsía, tveir lampar, loftblásari og straumbreytar og voru tækin gerð upptæk.

Haraldur mætti ekki við þingfestingu málsins og boðaði ekki forföll þrátt fyrir að hafa verið birt ákæra og fyrirkall.

Dómur Haraldar er skilorðsbundinn til tveggja ára og þarf hann að borga 189.827 krónur í sakarkostnað.