Umferðin um lykilmælisnið Vegagerðarinnar á Hringveginum í nýliðnum maí jókst um tæp þrjú prósent frá því fyrir ári síðan og hefur aldrei mælst meiri umferð í þessum mánuði frá upphafi mælinga en Vegagerðin greinir frá þessu í tilkynningu

Vegagerðin telur að umferðin á Hringvegi muni aukast um fimm prósent í ár. þá hefur umferð aukist um 1,8% frá áramótum miðað við sama tímabil á síðasta ári. Mest hefur umferð aukist um mælisnið á Norðurlandi eða um 4,9% en umferð hefur staðið í stað um Suðurland samkvæmt Vegagerðinni

Það sem af er ári er mest ekið á föstudögum og minnst á laugardögum.  Umferð hefur aukist mest á mánudögum en tæplega 1% samdráttur mælist í umferð á fimmtudögum.

„Þegar fimm fyrstu mánuðir ársins eru liðnir lítur út fyrir að umferðin geti aukist um 5% miðað við árið 2024.  Þá lítur einnig út fyrir að umferð geti aukist hlutfallslega mest um Norðurland eða um tæp 10% en minnstri aukningu er að vænta um mælisnið á og við höfuðborgarsvæðið eða um 3%,“ segir í tilkynningunni.