Lögreglan á höfuðborgarsvæðinu var kölluð að hóteli í miðborginni á áttunda tímanum í morgun vegna alvarlegs atviks sem þar hafði orðið.

Heimildarmaður Mannlífs var nálægt á vettvangi áðan og sá hann nokkra lögreglubíla á staðnum, lögreglumenn ganga þar inn og út og voru sumir með myndavélabúnað.

Rannsókn málsins er á algjöru frumstigi og því er ekki unnt að greina frá því nánar að svo stöddu.

Frekari upplýsingar verða sendar fjölmiðlum í dag, eða eftir því sem málinu vindur fram.