Fjórtán ára unglingsdrengur var látinn blæða út í 45 mínútur á Vesturbakkanum í nóvember, að því er Hareetz segir frá.

Jadallah Jadallah var skotinn af fallhlífaherdeild í al-Far'a flóttamannabúðunum á Vesturbakkanum í Palestínu síðastliðinn nóvember. Myndband hefur farið á flug í netinu, sem sýnir að hann er skilinn eftir í blóði sínu þar sem hann biðlar um hjálp, á meðan fjölskylda hans horfði hjálparvana á úr fjarlægð. Hermenn Ísraelshers sjást standa hjá án þess að gefa honum mikinn gaum. Þá tekur einn þeirra upp síma á ákveðnum tímapunkti til að taka ljósmyndir af hinum deyjandi unglingi. Samkvæmt IDF var drengurinn hins vegar „hryðjuverkamaður, sem stafaði tafarlaus ógn af, greindur, sveitin skaut á hann og veitti fyrstu hjálp“.

Hinn 14 ára palestínski drengur var skotinn til bana af Ísraelsher og blæddi út í um 45 mínútur á meðan hermenn stóðu nálægt, að því er segir í nýrri frétt Hareetz. Samkvæmt hernum stafaði af honum „aðsteðjandi ógn“, án þess að útskýrt væri hver sú ógn var eða hvers vegna honum var meinað að fá læknisaðstoð.

Dauði drengsins er ekki einsdæmi á Vesturbakkanum en undanfarna mánuði hafa nokkrir unglingar verið drepnir af Ísraelsher eftir að hafa verið sagðir hafa kastað grjóti að hermönnum, þar á meðal Rayyan Mohammad Abu Mualla, 16 ára, og Mohammed Saad Naasan, 14 ára.

Samkvæmt Haaretz hefur Ísraelsher ekki enn skilað líki Jadallah til fjölskyldu sinnar.

Sjá má myndbandið hér að neðan.