Dr. Ólína Kjerúlf Þorvarðardóttir, forseti félagsvísindadeildar, hefur tekið við sem settur rektor Háskólinn á Bifröst. Hún mun gegna starfinu tímabundið á meðan unnið er að ráðningu nýs rektors, eftir að Margrét Jónsdóttir Njarðvík lét af störfum.

Ólína hefur gegnt stöðu deildarforseta félagsvísindadeildar við Háskólann á Bifröst frá árinu 2022 og hefur jafnframt verið staðgengill rektors frá 2023. Á þeim tíma hefur starfsemi deildarinnar eflst, námsframboð verið aukið og nemendum fjölgað í takt við þróun skólans, að því er fram kemur í fréttatilkynningu sem send var fjölmiðlum.

Hún býr yfir víðtækri stjórnunarreynslu og var meðal annars skólameistari Menntaskólans á Ísafirði í fimm ár. Þá hefur hún komið að uppbyggingu þjóðfræði sem kennslu- og fræðigreinar við Háskóla Íslands og stýrt alþjóðlegu vísindasamstarfi. Ólína hefur einnig tekið þátt í að koma á fót rannsókna- og fræðasetrum á landsbyggðinni og leiddi þróunarverkefni um fjarnám í tengslum við Háskólasetur Vestfjarða.

Ólína á sæti í stjórn opna háskólanetsins OpenEU.