Sigurbjörg Rún Jónsdóttir hefur verið ráðin deildarstjóri Eyjafjarðardeildar Rauða krossins og hóf störf í höfuðstöðvum deildarinnar að Viðjulundi 2 á Akureyri 1. apríl. Hún segist hlakka til að kynnast starfsfólki og sjálfboðaliðum og halda áfram að efla starfsemi deildarinnar á Norðurlandi. „Ég hlakka til að kynnast öllum sjálfboðaliðum og starfsfólki deildarinnar og halda áfram að byggja upp það mikilvæga starf sem deildin sinnir á Norðurlandi.“

Sigurbjörg, sem jafnan er kölluð Sirrý, er 57 ára og uppalin á Akureyri. Hún er með BA-gráðu í íslensku, meistaragráðu í mannauðsstjórnun og hefur einnig lokið markþjálfun. Hún starfaði áður sem verkefnastjóri við Háskólann á Akureyri.

Alls starfa sjö á skrifstofu deildarinnar, flestir í hlutastörfum. Sjálfboðaliðar voru 382 í lok árs 2025, sem er mesti fjöldi sem deildin hefur haft.

Í tilkynningu frá Rauða krossinum kemur fram að starfsemi Eyjafjarðardeildar Rauða krossins sé fjölbreytt og nái meðal annars til söfnunar og sölu á notuðum fatnaði, verkefna sem miða að því að draga úr félagslegri einangrun, stuðnings við flóttafólk, skaðaminnkandi verkefna og málsvarastarfs fyrir jaðarsetta hópa.