Vilhjálmur Bjarnason, fyrrverandi alþingismaður, og Ólafur Kristinsson lögmaður hafa höfðað mál gegn Björgólfi Thor Björgólfssyni og Birgi Má Ragnarssyni vegna meintra njósna, brota gegn rétti til einkalífs, umsáturseinelti og brota á persónuvernd.

Þetta kemur fram í frétt RÚV um málið.

Þeir krefjast hvor um sig 66 milljóna króna úr hendi hvors stefnda, samtals 264 milljóna króna, auk dráttarvaxta frá desember 2012, sem samkvæmt gögnum úr þættinum Kveikur markar lok hins meinta eftirlits. Jafnframt er gerð krafa um að stefndu greiði allan málskostnað.

Í umfjöllun Kveiks í apríl 2025 var greint frá því að fyrirtækið PPP hefði árið 2012 stundað eftirlit með einstaklingum sem komu að hópmálsókn gegn Björgólfi Thor, að hans beiðni.

Björgólfur hefur neitað fyrir að stunda njósnir.