Einstakt einbýlishús við Hákotsvör 10 á Álftanesi hefur verið sett á sölu á 179,5 milljónir króna.

Um er að ræða bjarta og rúmgóða eign á einni hæð, alls 216 fermetra að stærð, staðsetta á 1.160 fermetra eignalóð með stórkostlegu útsýni til norðurs og vesturs yfir Faxaflóa.

Húsið, sem reist var árið 2000, skiptist í opið og vel skipulagt alrými þar sem stofa og eldhús mynda hjarta heimilisins. Þar að auki eru fimm svefnherbergi, tvö baðherbergi og forstofa með góðu skápaplássi.

Á lóðinni stendur einnig 53 fermetra bílskúr sem hefur verið breytt að hluta í sjálfstæða stúdíóíbúð, auk geymslu. Sú nýting býður upp á fjölbreytta möguleika, hvort sem er til útleigu eða sem viðbótarhúsnæði fyrir fjölskyldumeðlimi.

Eigninni hefur verið vel við haldið frá byggingu og býður hún upp á frekari þróunarmöguleika. Þar má nefna möguleika á viðbyggingu sem og gerð rúmgóðra sólpalla bæði að framan og aftanverðu húsinu til að njóta enn frekar hins einstaka sjávarútsýnis.