Í dagbók lögreglu frá því í gær og í nótt er sagt frá því að ökumaður hafi verið stöðvaður í akstri grunaður um akstur undir áhrifum áfengis. Ökumaðurinn neitaði að blása í áfengismæli og verður því einnig kærður fyrir að neita að veita aðstoð við rannsókn máls. Ökumaður neitaði þá einnig að leyfa lögreglu að færa bifreiðina hans í stæði og var hún því dregin af vettvangi með dráttarbifreið. Ökumaðurinn var svo látinn laus eftir sýnatöku á lögreglustöð.

Þegar lögregla var að hafa afskipti af tveimur aðilum í bifreið vegna tilkynningar um líkamsárás kom í ljós að annar aðilinn var með piparúða meðferðis. Piparúðinn var haldlagður og verður skýrsla rituð vegna málsins.

Tilkynnt var um þjófnað í matvöruverslun. Lögregla fór á staðinn en þarna var um ítrekaðan verknað að ræða að sögn lögreglu.

Ökumaður var stöðvaður í akstri grunaður um akstur undir áhrifum áfengis.

Tilkynnt um umferðaróhapp þar sem bifreið hafði verið ekið aftan á aðra. Ekki er vitað um slys á fólki að svo stöddu.