Það er ekki á hverjum degi sem hæfileikaríkt fólk stofnar saman fyrirtæki en tilkynnt var um slíka stofnun í Lögbirtingablaðinu í dag.

Bragi Páll Sigurðarson, Bergþóra Snæbjörnsdóttir og Oddur Ástráðsson hafa stofnað saman fyrirtækið Eignarfall slf.

Tilgangur félagsins er ritstörf, þýðingar, textavinna, hugmyndavinna, námskeiðahald, fyrirlestrahald, kennsla, rágjöf, viðburðastjórnun, veislustjórn, lánastarfsemi og annar skyldur rekstur.

Bragi Páll hefur lengi verið þekktur, bæði sem blaðamaður og rithöfundur, og er hann sennilega þekkastur fyrir bækurnar Kjöt og Arnaldur Indriðason deyr.

Bergþóra er einnig virtur höfundur og hlaut meðal annars Fjöruverðlaunin í flokki fagurbókmennta fyrir skáldsöguna Svínshöfuð árið 2020.

Oddur Ástráðsson hefur um nokkurt skeið verið einn þekktasti lögfræðingur landsins en hann var nýlega ráðinn til vinnu hjá sjónvarps- og kvikmyndaframleiðslufyrirtækinu ACT4.

Fyrirvari um hagsmuni: Oddur Ástráðsson situr í stjórn Sameinaða útgáfufélagsins ehf. sem á Mannlíf.