Umferðarslys varð á Tryggvagötu um klukkan 22:00 í kvöld en einn var fluttur á sjúkrahús.

Eins og sjá má á ljósmynd sem barst Mannlífi skemmdist að minnsta kosti ein bifreið í slysinu en svo virðist sem hún hafi endað á stólpa á Tryggvagötu en bíllinn er töluvert skemmdur. Talsverður viðbúnaður var í Tryggvagötu vegna slyssins.

Ekki liggur fyrir hversu alvarleg meiðslin eru á þeim sem fluttur var á slysadeild, að sögn lögreglu.