Lögreglan í West Midlands í Englandi leitar að manni eftir að unglingspiltur varð fyrir kynferðisofbeldi í Brunswick Park-almenningsgarðinum í bænum Wednesbury þann 7. febrúar.

Atvikið átti sér stað í garðinum á milli klukkan 18:00 og 19:30. Samkvæmt lögreglu er grunaði maðurinn hvítur, á aldrinum 18 til 21 árs, um 180 til 183 sentímetrar á hæð. Hann var klæddur í svarta lambhúshettu og ljósbrúna Essentials-hettupeysu.

Lögreglan hvetur vitni til að gefa sig fram og óskar jafnframt eftir að íbúar í nágrenninu skoði upptökur úr dyrabjöllum eða öryggismyndavélum sínum til að athuga hvort sjáist til manns sem samsvarar lýsingunni. Garðurinn er staðsettur við Brunswick Park Road.

Í yfirlýsingu frá lögreglu segir:

„Við viljum gjarnan heyra í öllum sem kunna að hafa séð mann sem samsvarar þessari lýsingu í eða við Brunswick Park á þeim tíma sem brotið átti sér stað.“

Þá segir jafnframt:

„Við biðjum einnig alla sem eru með dyrabjöllur með myndavél eða öryggismyndavélar að kanna upptökur sínar. Þetta er alvarlegt mál og lögreglumenn eru á vakt á svæðinu til að tryggja öryggi og veita íbúum hugarró.“