Einar Kárason bíður eftir sleggjunni

Einar Kárason, einn virt­asti rit­höf­undur þjóð­ar­innar, á ekki sjö dag­ana sæla eftir að bók hans um Jón Ásgeir Jóhann­es­son athafna­mann, Málsvörn, kom út. Jón Ásgeir stóð sjálfur undir hluta af kostn­aði við bók­ina og þar með launum höf­und­ar­ins. Helstu við­skipta­blaða­menn lands­ins hafa hakkað í sig hluta bók­ar­innar og rakið þær rang­færslur og þann hvít­þvott sem væri er að finna. Bæði Ingi Freyr Vil­hjálms­son, blaða­maður Stund­ar­innar, og Þórður Snær Júl­í­us­son hafa ritað langa rit­dóma og kom­ist að þeirri nið­ur­stöðu að bókin er létt­væg fundin og dæmi um grófar rang­færslur eins og þær að Jón Ásgeiri hafi aldrei reynt að hafa áhrif á rit­stjórn Frétta­blaðs­ins. Opinbert er að Jón Ásgeir reyndi að klekkja á nokkrum blaða­mönnum. Rit­stjóri Frétta­blaðs­ins stað­festi það á sínum tíma. Einar Kárason var í léttu spjalli við Sigmar Guð­munds­son á Rás 2 þar sem hann var spurður um þetta atriði. Hann sagð­ist ekki hafa neinar áhyggjur af fram­burði blaða­mann­anna. Jákvæður rit­dómur hefur enn ekki birst um bók­ina. Í spjall­inu á Rás 2 sagð­ist Einar bíða eftir „Sleggj­unni“ frá Mogganum en Davíð Oddsson fær harka­lega útreið sem ofsækj­andi Jóns Ásgeirs. Ljóst er að hann er í nauð­vörn vegna bók­ar­innar …