Óli Björn krefst ráðdeildar

Óli Björn Kárason alþing­is­maður von­ast til að ná end­ur­kjöri í próf­kjöri Sjálf­stæð­is­flokks­ins í Suð­vest­ur­kjör­dæmi um næstu helgi. Þar mætir honum nokkur brekka og hann þarf að slást við vin­sæla stjórn­mál­menn á borð við Bryndís Har­alds­dóttur alþing­is­mann og Jón Gunn­ars­son, fyrr­ver­andi ráð­herra. Óli Björn var í við­tali við Mogga þar sem hann reiðir fram lof­orð um skatta­lækk­anir á silf­ur­fati.  Hann talar eins og ráða­maður þegar hann segir lækkun skatta verða á dag­skrá næstu rík­is­stjórnar, eigi flokkur hans aðild að henni. Þá lofar hann ráð­deild í rekstri rík­is­ins. Sjálfur er hann þekktur fyrir að hafa staðið í rekstri á einka­mark­aði þar sem ráð­deild var víðs­fjarri og almenn­ingur þurfti að axla byrðar vegna þeirra ófara sem sem skortur á ráð­deild kost­aði þegar allt sigldi í strand. En svo má auð­vitað segja að sá læri sem lifir og nú þekki Óli Björn vítin sem ber að var­ast og þess vegna nauð­syn­legt að leyfa honum að spreyta sig með fjár­muni almenn­ings …