Guðlaugur Hermannsson, oddviti Frjálslynda lýðræðisflokksins í Kraganum og eigandi Fréttatímans, hefur verið ákærður fyrir fjársvik. DV birtir ákæruna sem snýst um það að Guðlaugur hafi gert tilraun til þess að svíkja fé út úr ábyrgðarsjóði launa með því að segja ósatt um störf sín hjá fyrirtæki sem varð gjaldþrota. Víst er að málið er Guðmundi Franklín Jónssyni, stofnanda flokksins, fjötur um fót nú þegar flokkurinn stígur sín fyrstu skref í kosningabaráttunni. Óljóst er hvort Guðlaugur heldur framboði sínu til streitu eða dregur sig í hlé í skugga svikamálsins og bíði niðurstöðu dómstóla. Áréttað skal að hann hefur ekki verið fundinn sekur ….
Athugasemdir