Björn Leifsson hafði betur gegn World Class

World Class í Svíþjóð fékk ekki í gegn skrán­ingu á vöru­merk­inu World Class hér á landi eftir and­mæli frá World Class á Íslandi.

Skráning vöru­merk­is­ins World Class hér á landi skv. alþjóð­legri skrán­ingu hefur verið felld úr gildi, sam­kvæmt úrskurði Hug­verka­stof­unnar, eins og segir í frétt vb.is.

Málið á rætur sínar að rekja til til­kynn­ingar sem Hug­verka­stof­unni barst frá Alþjóða­hug­verka­stofn­un­inni þess efnis að sænska félagið World Class International Brand Sverige AB, eig­andi alþjóð­legrar skrán­ingar á World Class vöru­merk­inu, færi fram á að skrán­ingin gilti á Íslandi.

En and­mæli bár­ust frá Sig­ur­jóns­son & Thor, sem eru sér­fræð­ingar í hug­verka­rétti, fyrir hönd Lauga ehf., sem á og rekur fjölda World Class lík­ams­rækt­ar­stöðva á Íslandi.

Andmælin byggð­ust á rugl­ings­hættu við merki World Class lík­ams­rækt­ar­stöðv­anna; taldi Laugar ehf. sig hafa öðl­ast vöru­merkja­rétt á grund­velli ára­tuga notk­unar. Engar athuga­semdir bár­ust frá sænska félag­inu sem er eig­andi merk­is­ins.

Hug­verka­stofan úrskurð­aði  að þrátt fyrir að merki sænska félags­ins og íslensku lík­ams­rækt­ar­stöðv­anna sam­an­stæðu af lýsandi orð­hluta, væri ekki hægt að ekki líta fram­hjá því að stíl­færsla meg­in­þátta merkj­anna væri nákvæm­lega eins.

Vegna þessa sé rugl­ings­hætta til staðar milli merkj­anna; með vísan til 14. greinar vöru­merkja­laga. Andmæli gegn skrán­ingu World Class vöru­merkis sænska félags­ins voru því tekin til greina.