Brynjar segir sjúkdóminn vera drepa sig: „Það leið næstum yfir mig í gær“

Raun­veru­leika­stjarnan Brynjar Steinn, betur þekktur sem Binni Glee, ætlar að leita sér aðstoðar við mat­ar­fíkn. Hann segir sjúk­dóm­inn eindald­lega vera að drepa sig.

Binni var áður á ketó matar­æð­inu og missti fimm­tíu kíló á tólf mán­uðum áður en hann sagði skilið við það. Síðan þá hefur heilsan farið versn­andi og nú ætlar Binni að leita sér hjálpar.

„Þetta er sjúk­dómur sem er að drepa mig. Það leið næstum yfir mig í gær og ég á erfitt með að anda og heilsan mín er orðin geð­veikt slæm,“ segir hann í sam­tali við Vísi:

„Það þarf bara að tala um þetta og opna umræð­una því þetta er ekki djók og þetta er alveg alvar­legt. Þetta er sjúk­dómur og það er fólk að díla við þetta.“

Binni seg­ist þreyttur á því að hugsa stöðugt um mat og að þurfa að fela það sem hann borðar fyrir öðrum.

„Ég var einu sinni að borða pizzu, bara heila pizzu og ég borð­aði svo mikið, svo hratt líka að ég bara ældi yfir pizzukassann. Þetta var bara hrika­legt. Ég lá svo uppi í rúmi og leið ógeðs­lega illa og byrj­aði þá að skoða hjálp því ég var bara, þetta er ekki í lagi sko.“