Hvert einasta smáatriði er útpælt í þessu fallega endaraðhúsi við Garðsstaði 9 í Grafarvgi. Húsið er 192,9 fermetrar á tveimur hæðum og vel skipulagt. Hverfið er rólegt og fyrir golfara er örstutt að fara á Korpúlfsstaðavöll. Lind fasteignasala hefur eignina á skrá.
Frá forstofu er gengið inn í bjart alrými. Eldhúsið er ljóst með dökkri borðplötu og nýlegum tækjum. Gott skápapláss og falleg viðarklæðning er að framanverðu innréttingar sem snýr inn að stofunni.
Úr eldhúsi er horft inn í stofu og borðstofu með gluggum í rómantískum stíl. Í gólfum er nýtt gólfhitakerfi sem þú einfaldlega stýrir með símanum þínum. Þá setur bogadregin hurð skemmtilegan svip á sjónvarpsrýmið.
Í húsinu eru fjögur svefnherbergi með fataskápum. Hjónaherbergið vekur þó sérstaklega athygli þar sem má sjá einn glæsilegasta „walk in closet“ landsins. Skópörin eru smekklega röðuð og pelsar í öllum litum. Ljóst er að næsti eigandi verður ekki í vandræðum með pláss fyrir fatnaðinn.
Garðurinn er afgirtur með sólpalli og heitum potti með nýju hitastýringakerfi svo að potturinn er alltaf með rétt hitastig. Pallurinn hefur fengið gott viðhald.
Fyrir áhugasama má finna allar frekari upplýsingar á vef fasteignasölunnar.
Athugasemdir