Um helgina birtist frétt um að ein frægasta söngkona heims, Rihanna, ætti von á sínu fyrsta barni með rapparanum A$AP Rocky.
Parið hóf samband sitt í nóvember árið 2020. Heimildamaður People.com segir þau hafa þekkst og borið virðingu hvort fyrir öðru í gegnum tónlist þeirra, samstarf þeirra á milli og önnur störf.
Heimildamaðurinn segir jafnframt að foreldrahlutverkið hafi verið rökrétt næsta skref fyrir parið. Hann segir sambandið hafa vaxið út frá þessari gagnkvæmu virðingu sem þau báru hvort fyrir öðru. „Hann dáðist að henni og var heillaður,“ segir heimildamaðurinn um A$AP Rocky. „Hann vildi ólmur hefja samband og fannst hún þess virði að bíða eftir.“
Annar heimildamaður sagði marga menn hafa reynt að heilla Rihönnu, en Rocky hafi verið sá eini sem hafi tekist það.
„Frá upphafi hefur hann verið hugfanginn af henni. Hann er afar rómantískur og sendir henni oft herbergisfylli af blómum.“
Heimildarmaður segir parið alltaf skemmta sér vel saman; þau grínist og leiki sér. „Þau njóta lífsins og hafa gaman af því að ferðast. Þau elska að vera saman og eru ástin í lífi hvors annars.“
A$AP Rocky hefur áður sagt að honum sé án nokkurs vafa ætlað að eignast börn. „Ég held að ég yrði frábær og yfir höfuð magnaður pabbi. Barnið mitt yrði mjög svalt. Mjög.“
Parið var myndað á göngu sinni um götur New York um helgina, þar sem Rihanna sýndi stækkandi kúluna í fyrsta sinn; í fráhnepptri peysu með gullkross og skart um sig miðja.
Athugasemdir