Eiginmaður söngkonunnar Kelis látinn: „Núna eru liðnir akkúrat 12 mánuðir“

Eig­in­maður söng­kon­unnar Kelis er lát­inn aðeins 37 ára að aldri. Banamein hans var krabba­mein í maga.

Umboðs­maður söng­kon­unnar sem sló í gegn með lag­inu Milks­hake fyrir nokkrum árum, stað­festi sorg­ar­frétt­irnar í dag. Eig­in­mað­ur­inn, ljós­mynd­ar­inn Mike Mora til­kynnti í sept­em­ber síð­ast­liðnum að hann hefði greinst með krabba­mein í maga.

„Því miður er það satt að Mike Mora er lát­inn,“ sagði umboðs­mað­ur­inn Steve Satterthwaite í sam­tali við Enterta­in­ment Tonight. „Við viljum biðja ykkur öll að gefa Kelis og fjöl­skyldu hennar næði til að syrgja. Takk fyrir.“

Það var í sept­em­ber árið 2021 sem Mora til­kynnti á Instagram að hann hefði greinst með maga­krabba­mein ári áður. Hann hafði farið til læknis í sept­em­ber 2020 vegna mjög mik­illa verkja í mag­anum, lysta­leysis og bak­verkja. Hann sagð­ist hafa talið að um maga­sár væri að ræða og að hann hafi haft meiri áhyggjur af konu sinni og nýfæddri dóttur þeirra.

Eftir að hafa geng­ist undir ýmsar nákvæmar rann­sóknir reynd­ist Mora vera með fjórða stigs maga­krabba­mein.

„Mér var sagt að fólk með minn sjúk­dóm og á þessu stigi, næðu ekki að lifa lengur en 18 mán­uði,“ sagði hann í til­kynn­ing­unni í sept­em­ber 2021. „Núna eru liðnir akkúrat 12 mán­uðir.“ Mora náði sem sagt 18 mán­uðum.

Saman áttu þau Kelis eina dóttur en fyrir átti hún tvö börn.