Chris segir Pete takast vel á við einelti Kanye: „Farinn að tjá sig aftur“

Chris segir frá því hvernig Pete tekst á við storm­inn í kringum Kanye

Í nýju við­tali segir Chris Redd, sjón­varps­stjarna úr grín­þátt­unum Saturday Night Live, frá því hvernig Pete Davidson, vini hans og sam­starfs­fé­laga gengur að takast á við áreitni og opin­ber­lega ein­elt­istil­burði Kanye West.

Chris kom fram í við­tali í þætt­inum The Jess Cagle Show, þar sem hann sagði Pete vera „far­inn að tjá sig aftur“, innan úr fár­viðr­inu sem hefur ein­kennt síð­ustu miss­eri. „Mér finnst hann vera að höndla þetta vel,“ sagði Chris um það hvernig Pete væri að takast á við deil­urnar.

Aðspurður hvort til greina kæmi að Saturday Night Live tæki málið og Kanye fyrir, sagð­ist Chris vera opinn fyrir því að beina kast­ljós­inu að „egói“ rapp­ar­ans. Hann sagði hins vegar að það væri „alvar­leg hlið á þessu máli sem ég mun bara ekki gera grín að“.

„Ég ætla mér ekki að gera grín að and­legri heilsu hans. Þú veist, ég er sjálfur að glíma við geð­ræn vanda­mál, þannig að ég er mjög með­vit­aður um slík mál,“ sagði hann. „Ég geri hins vegar grín að ábyrgð­ar­leysi hans.“

Chris sagð­ist þó við­ur­kenna að hann sæti á hinum ýmsu brönd­urum um Kanye. „Ég hef rætt við sam­eig­in­lega vini okkar í síma, en ég segi aftur að þegar þetta er orðið mjög opin­bert og óþægi­legt, þá er bara betra að vera ekki að setja vini sína í skrýtna stöðu með því að þrýsta á hlut­ina og ögra meira en þörf er á.“

„Ég vona að þeir finni út úr þessu fljót­lega, því ég hef ekk­ert með neitt af þessu að gera,“ sagði hann um deil­urnar milli mann­anna tveggja. „Maður vill alltaf horfa á báðar hliðar – jafn­vel þótt ég og Ye séum ekki vinir – þá vil ég honum bara það besta líka.“

Kanye West hefur und­an­farið áreitt og hraunað yfir bæði Pete Davidson og Kim Kar­dashian, fyrr­ver­andi eig­in­konu sína, opin­ber­lega – einkum og sér í lagi á sam­fé­lags­miðlum. Þau Pete og Kim hafa verið í sam­bandi síðan síð­ast­liðið haust.

Instagram er nýbúið að setja Kanye í sól­ar­hrings­bann frá miðl­inum vegna hat­urs­orð­ræðu, ein­eltis og áreitni.