Áhrifavaldurinn Tanja Ýr Ástþórsdóttir birti mynd af sílikon púða á Instagram reikningi sínum í gær en á myndinni segir:„Það er EKKERT ´kvenlegt´ eða ´kynþokkafullt´ við ÞETTA! Þetta er eitraður gervi poki sem á ekki heima í líkamanum“
Myndina birti hún í kjölfar þess að hafa mælt með viðtali við Ástu Erlu Jónasdóttir markþjálfa, en er hún stofnandi síðunnar Náttúruleg heilsuvegferð. Á síðunni deilir Ásta sögu sinni með fylgjendum en glímdi hún við veikindi vegna brjóstapúða sem hún fékk fyrir mörgum árum síðan.
„Vá!!! Þvílíkt viðtal og svo virkilega vel komið að orðum. Mæli með að hlusta!,“ skrifar Tanja sem bætt við hlekk á viðtalið.
Stuttu síðar, eftir sílikon myndbirtinguna, skrifar Tanja: „Eflaust triggerandi að sjá og ég skil en ég ætla ekkk að taka þátt í rökræðum í mínu boxi. Ég hef ekkert á móti neinum sem kjósa hit og þetta. Það er afar mikilvægt að velkja athygli á hættu sem fylgja ýmsum hlutum. Ég er ekki fullkomin og langt frá því enda hef ég gert ýmislegt sem ég sé eftir og myndi ekki gera í dag við minn líkama. Hingað til samt bara jákvæð skilaboð!“.
Tanja er eigandi Glamista hair og Tanja Yr Cosmetics sem framleiðir hárlengingar og gervi augnhár. Tanja hefur talað um reynslu sína af fylliefnum opinberlega áður en ekki gagnrýnt eins harðlega og nú.
Athugasemdir