Sjálfstæðisflokkurinn er að glíma við fylgishrun á landsvísu og mælist nú með innan við 20 prósent í könnunum. Þetta kemur sé skelfilega fyrir Hildi Björnsdóttur og meðreiðarfólk hennar í Reykjavík sem sér fram á háðulega útreið þegar kosið verður eftir rúma 10 daga. Hildur skammast og kennir bankabralli Bjarna Benediktssonar formanns síns uim fylgishrunið en bent hefur verið á að fyrsta skoðanakönnun eftir að hún tók við leiðtogahælutverkinu leiddi í ljós að fylgið hafði hrunið úr 31. prósentum í 21 prósent eða um heil 10 prósentustig.
Ofan á þessar raunir Hildar bætist að upplýst hefur verið að hún hefur ekki nennt að mæta á borgarstjórnarfundi í vetur. Laun hennar fyrir seti í borgarstjórn eru 1,2 milljón króna á mánuði. Áður hafði hún skrópað á undirbúningsfundi eigin flokks sem haldnir eru reglulega fyrir hvern borgarstjórnarfund. Sjálf afsakar hún skrópið með því að hún hafi mikið að gera sem leiðtogi. Til samanburðar er bent á að Dagur B. Eggertsson, höfuðandstæðingur hennar, sitji undantekningalítið alla fundi borgarstjórnar og borgarráðs. Hermt er að það þurfi kraftaverk til þess að Hildur nái að snúa nauðvörn í sókn …
Athugasemdir