Hæðast að Herra Hnetusmjör

Herra Hnetu­smjör, Árni Páll Árnason, er svo sann­ar­lega sól­ar­megin í líf­inu eftir að Rannís úthlut­aði honum 600 þús­und króna til að gefa út sína sjöttu plötu. Við­skipta­blaðið gerir mikið úr mál­inu og hæð­ist að tón­list­ar­mann­inum fyrir að þiggja styrk­inn, þvert á hug­sjónir sínar. „Umsókn um opin­bera styrki kemur eflaust ein­hverum aðdá­endum rapp­ar­ans á óvart, en í lagi sínu Keyra sem kom út árið 2018 segir í blað­inu: „Þeir tala um pen­ing en þeir sóttu um lista­manna­laun Gaur, Kópbois lifa ekki þannig,” segir í Við­skipta­blað­inu sem spyr hvort Covid hafi orðið til þess að þetta stór­mál kom upp. „Það má velta því fyrir sér hvort að tekju­fall vegna heims­far­ald­urs valdi því að Herra Hnetu­smjör gangi á bak orða sinna,“ segir í Við­skipta­blað­inu. Herra Hnetu­spjör er einn vin­sæl­asti tón­list­ar­maður lands­ins og þykir góðra gjalda verður. Ekki er talið að 600 þús­und kall­inn skipti höf­uð­máli í rekstri fyr­ir­tækis hans, Kópbois. Gárungar sjá húmor­inn í því að þetta sé eitt stærsta hneyksl­is­mál sam­tím­ans á sama tíma og millj­arðar í almenn­ings­eigu velt­ast um á milli auðróna undir lófa­klappi sömu fjöl­miðla og þögðu í Hruninu …