Agnes pönkast á prestum

Agnes Sig­urð­ar­dóttir, biskup Íslands, er á meðal þeirra umdeild­ari sem gegnt hafa þeirri stöðu. Hún þykir harð­skeytt í umgengni við þá sem ekki eru í náð­inni hjá henni og nýtur þar öfl­ugs stuðn­ings Péturs Markan, rit­ara bisk­ups, sem stundum er kall­aður stall­ari Agnesar. Fræg er með­ferð hennar á séra Skírni Garð­ars­syni sem hún pönk­að­ist á og hrakti úr emb­ætti sínu í Lága­fells­sókn og varð bóta­skyld gagn­vart honum. Þá hefur Ellisif Tinna Víð­is­dóttir, fyrrum fram­kvæmda­stjóri kirkju­ráðs, líst und­ir­ferli Agnesar og faðm­lögum áður en hún hrakti fram­kvæmda­stjór­ann á brott.

Nýjasta útspil bisk­ups­ins er form­legt til­tal, áminn­ing­ar­bréf, sem hún sendi sér Davíð Þór Jónssyni, presti í Laug­ar­nes­kirkju, vegna ummæla hans á Facebook um frá­tekið her­bergi í hel­víti fyrir þá sem eru vondir við flótta­fólk og þá sem eiga bágt. Bréfið þykir vera hrein aðför að prest­inum og kann að hafa eft­ir­mál. Agnes er eins og aðrir bisk­upar ævi­ráðin en hún fer á eft­ir­laun á næsta ári, ein­hverjum til léttis …