Keanu Reeves sannaði enn og aftur prúðmennsku sína: „Þessi náungi er alveg frábær“

Leik­ar­inn Keanu Reeves hefur löngum verið ein­stak­lega vin­sæll, ekki ein­ungis vegna hæfi­leika sinna heldur einnig umtal­aðrar prúð­mennsku. Hann er sagður afar góð­hjart­aður, sem hefur sann­ast oftar en einu sinni, og jarð­bund­inn. Raunar hefur blaða­maður aldrei rek­ist á þann aðila, hvorki í raun­heimum né í heimi fjöl- og sam­fé­lags­miðla, sem kann ekki að meta leik­ar­ann knáa. Auk þess virð­ist sam­starfs­fólk hans ein­ungis hafa góða hluti um hann að segja. Ef ein­hvern vant­aði fleiri dæmi um innri mann Keanu Reeves, er hér eitt slíkt.

Fjöl­miðla­mað­ur­inn Andrew Kimmel birti færslu á Twitter þar sem hann segir frá því að Keanu Reeves hafi verið staddur í sama flugi og hann á dög­unum, frá London til New York.

Hann lýsir því að ungur strákur hafi beðið Keanu um eig­in­hand­ar­á­ritun þegar far­þeg­arnir biðu eftir tösk­unum sínum. Andrew segir Keanu hafa orðið við því með glöðu geði. Hinn ungi aðdá­andi hafi því næst farið að spyrja leik­ar­ann spjör­unum úr. Keanu hafi svarað hverri einni og ein­ustu þeirra skil­merki­lega.

Andrew fer í færslu sinni yfir sam­skipti þeirra félaga. Strák­ur­inn spurði meðal ann­ars hvað Keanu hefði verið að gera í London, sem svar­aði því til að hann hafi verið að taka upp heim­ilda­mynd.

Talið barst að Grand Prix keppn­inni, en sá stutti hafði séð á net­inu að Keanu hafði verið þar. Aðspurður sagð­ist Keanu sjálfur ekki keyra kappakst­urs­bíla en að honum þætti gaman að keyra mót­or­hjól. Þegar stráksi hafði fengið öllum sínum spurn­ingum svarað og kom­ist að því að Keanu byggi í Los Angeles, ætl­aði sér að vera fimm daga í New York og hyggði á að sjá Broadway sýn­ing­una American Buffalo hóf leik­ar­inn að yfir­heyra strák­inn til baka.

Hvers vegna hann hefði verið í Evrópu, hvaða söfn hann hefði heim­sótt í París og hvert þeirra hefði verið í upp­á­haldi.

„Maðurinn gæti ekki hafa verið almenni­legri, sér­stak­lega eftir milli­landa­flug,“ segir Andrew en um nokkuð langt flug er að ræða; yfir níu klukku­stundir.

„Mig lang­aði til að deila þessu vegna þess að þessi náungi er alveg frá­bær og það eru lítil augna­blik eins og þetta sem geta skipt svo miklu máli í lífi fólks. Við þurfum fleiri ein­tök af Keanu!“