Teddy Ray er látinn. Grínheimurinn missti þannig rísandi stjörnu.
Bandaríski grínistinn Teddy Ray, sem meðal annars kom fram í þáttum á borð vð Pause with Sam Jay og How to Be Broke á Comedy Central, er látinn, einungis tveimur vikum eftir 32 ára afmæli sitt.
E! News segir að dánardómstjóri Riverside-sýslu í Kaliforníu hafa staðfest að Teddy, sem hét í raun Theadore Brown, hafi látist þann 12. ágúst á heimili í Rancho Mirage í Kaliforníu.
Talsmaður lögreglu sagði Los Angeles Times að á morgni 12. ágúst hafi lögreglan brugðist við símtali sem snéri að andláti á heimili í eyðimerkurbænum Rancho Mirage. Bætti talsmaðurinn við að „dánarorsök liggja ekki fyrir.“ Enn stendur rannsókn á málinu yfir.
Comedy Central sjónvarpsstöðin minntist Teddy á Twitter eftir andlátið. „Teddy Ray var drepfyndinn og elskaður uppistandari. Hans verður sárt saknað af grínsamfélaginu í heild sinni.“
Síðasta Instagram-færsla Teddy var gerð á afmælisdaginn hans, 30. júlí en þar var ljósmynd af honum í bíl og við myndina stóð: „Negli 32 eins og … Drottinn, ég þakka þér fyrir annan hring í kringum þessa sjóðandi heitu sól.“
Athugasemdir